حكاية مصرية: بعد مقاضاته من العبد.. أول تعليق من مالك بلبن على الإعلان المسيء: الإشارة للمنافسين أسلوب موجود

الثلاثاء 25/مارس/2025 – 06:25 م

حرص إسلام سلامة، مالك مجموعة بلبن، على التعليق على إعلان كحك العيد المثير للجدل، وذلك بعدما عزمت سلسلة العبد على مقاضاتهم بسبب الإعلان، الذي وصفوه بـ”المسيء”.

وقال إسلام في منشور له عبر حسابه على فيس بوك: “بخصوص إعلان الكحك، عادة مش بحب أدخل في النقاشات، دي لكن وجب التوضيح لأن الموضوع دخل في حتة أخلاقية فكان لازم أوضحها”.

وأضاف مالك مجموعة بـ لبن: بخصوص ظهور شخص يشبه شخص توفاه الله في الإعلان، وجب أن أوضح إن والله العظيم عمري ما كنت شوفت ولا أنا ولا الفريق القائم على الإعلان صورة الشخص الله يرحمه، إلا بعد انتشار البوستات اللي بتتكلم عن الموضوع بعد نزول الإعلان بأسبوع تقريبًا، وده كلام اتحاسب عليه قدام ربنا، مضيفًا: “ولا أظن حد في مصر كان شاف الصورة قبل كده مش إحنا بس”.

أزمة إعلان بلبن والعبد

واستكمل: الكلام ده بقوله من الجانب الأخلاقي لأن من الجانب القانوني والرسمي مفيش أي مسألة علينا فيه لكن أخلاقيًا وأدبيًا وجب التوضيح، وبأكد احترامنا الكامل لكل الأشخاص بشكل عام، مردفًا: “أما بالنسبة لفكرة الإعلان نفسه، والإشارة لبعض المنافسين ده أسلوب موجود في العالم كله اسمه الدعاية التنافسية، أو Marketing Rivalry ونقدر نشوف أمثلة للكلام ده زي برجر كينج وماكدونالدز أو مرسيدس وبي إم وأودي (بدون اتفاق مسبق بينهم وتقدروا تعملوا بحث عن الموضوع)، وفيه علامات تجارية زي مطاعم برجر كتير عملت نفس الموضوع في مصر قبل كده”.

واختتم حديثه: “وده مش معناه عدم احترام المنافسين على الإطلاق، بالعكس لما أعمل إعلان بملايين أذكر فيه منافس بطريقة غير مباشرة ده معناه إن ليه مقام وقيمة كبيرة وتاريخ في السوق، وأخيرًا بأكد إن التوضيح ده من الجانب الأدبي والاخلاقي وبقدم اعتذاري لأي حد اتضايق”.